A Xunta celebra o 27 de xullo na Cidade da Cultura a asemblea de lanzamento da iniciativa de investigación e desenvolvemento tecnolóxico Programa de Ciencias Mariñas de Galicia, que forma parte dos Plans Complementarios previstos na compoñente 17 do Plan de Recuperación, Transformación e Resiliencia

Na iniciativa, que conta con 10 millóns de euros de financiamento, participan preto de 90 grupos de investigación das institucións galegas máis punteiras, incluídos seis centros dependentes da Xunta, as tres universidades públicas da comunidade e catro organismos dependentes do Consello Superior de Investigacións Científicas.