Menu
O Programa de Ciencias do Mar de Galicia afronta varios retos nas súas diferentes áreas de investigación. Algúns dos principais retos inclúen:
Os efectos do cambio climático afectan profundamente ao océano: o aumento do nivel do mar, a acidificación ou o incremento da temperatura son algúns dos efectos máis coñecidos.
Estes cambios teñen un impacto significativo nos ecosistemas mariños e nas comunidades que dependen deles.
A perda da biodiversidade mariña e a degradación dos hábitats e dos ecosistemas acuáticos son ameazas graves para a vida no planeta.
As medidas de protección son necesarias para preservar a saúde do océano e os servizos de ecosistema que nos proporciona.
A pesca e a acuicultura son actividades esenciais para a economía de Galicia e una fonte imprescindible de alimento de calidade e saudable.
É fundamental avanzar no coñecemento necesario para garantir unha xestión sostible destas actividades e dos recursos necesarios para que as mesmas perduren.
A contaminación do océano con productos químicos, plásticos e outros refugallos representa unha ameaza para a vida mariña e, con frecuencia para a saúde humana.
Son necesarias tecnoloxías dirixidas a monitorizar e dimensionar este tipo de problemas coa frecuencia e a especificidade necesarias para poder desenvolver mecanismos de prevención e resposta axeitados, mesmo con contaminantes emerxentes.
As comunidades costeiras son particularmente vulnerables fronte a eventos climáticos extremos.
É necesario desenvolver estratexias de adaptación e resiliencia para protexer a súa supervivencia.
Estes retos requiren un enfoque transdisciplinar e ambicioso, así como unha estreita colaboración entre as distintas institucións participantes e unha coordinación eficaz entre as distintas áreas de investigación.
